iTeen 大本營


小學生德育故事演講比賽親子倡廉組2017- 銀獎《公平的風采》

第二十一屆荃灣葵涌青衣區小學生德育故事演講比賽-親子倡廉組 銀獎:公平的風采 學校:保良局世德小學 學生:林穎妍 家長:曹佩群女士

2017年06月02日

故事名稱:公平的風采

群群(戴帽):(曹女士)穎妍!隔離班黎左個插班生,聽講佢有「短跑公主」嘅外號!你……因住地位不保喎

穎妍(戴帽):(林穎妍)(心驚,但扮無事) 群群你講咩呀~我都未驚過。你唔記得我啱啱响學界贏左100米短跑冠軍咩,我夠有「超音速女超人」嘅外號啦,邊個係我對手喎。(認叻)

群群(戴帽):(曹女士)咁又係……老師黎嘞!上堂先~(齊齊側身)

老師(除帽):(林穎妍)各位同學,學校即將舉辦一場短跑比賽,目的係從參賽者當中,挑選一位短跑好手,接受特別嘅精英培訓,然後代表香港參加全國青少年短跑比賽。呢個係1個非常難得嘅機會,各位同學要踴躍參加嘞!

群群(戴帽):(曹女士)呢個比賽真係啱哂你嘞!

穎妍(戴帽):(林穎妍)駛咩講呀!

穎妍(戴帽):(林穎妍)(轉身伸懶腰) 好嘢!終於落堂嘞!係時候去練跑嘞!我一定會贏呢次短跑比賽嘅,然後接受特別精英培訓,……群群,你睇緊咩呀?

群群(戴帽):(曹女士)你睇!「短跑公主」真係跑得好快呀,好犀利呀!

穎妍(戴帽):(林穎妍)……(自言自語)又真係幾快喎……

群群(戴帽):(曹女士)睇黎你有D擔心喎!不如…我幫你打探下「短跑公主」嘅弱點吖!正所謂知己知彼,百戰百勝吖嘛~

穎妍(戴帽):(林穎妍)唔……我都未驚過……不過打探下都冇壞嘅……(穎妍做伸展動作,曹女士轉一圈回原位)

群群(戴帽):(曹女士)(上氣不接下氣)……我終於打探到嘞……!原來「短跑公主」對花生敏感架,任可花生嘅製成食品都唔食得,如果食左,會全身出紅疹,仲可能會抽筋添……

穎妍(戴帽):(林穎妍)咁又點喎……佢對花生敏感關我咩事喎…

群群(戴帽):(曹女士)你聽我講埋先啦~佢有個習慣:每次出場之前都會食一包餅乾……(奸笑)

穎妍(戴帽):(林穎妍)奸笑)哦……我明嘞……只要我地偷龍轉鳳換左佢包餅……咁佢就出唔到賽啦!

群群(戴帽):(曹女士)到時你就贏梗啦!(一齊奸笑)

旁白(除帽):(林穎妍)(踏前一步)各位……故事睇到呢度,大家都明白穎妍同群群嘅奸計啦!究竟佢地嘅奸計可唔可以得逞呢?不如睇下穎妍返到屋企後,發生咩事啦…

媽媽(除帽):(曹女士)(一邊執手袋一邊講)亞女返黎嗱……媽媽趕住去警局保釋你舅父呀~

穎妍(戴帽):(林穎妍)吓!咩事呀!

媽媽(除帽):(曹女士)(望住穎妍)你舅父囉……唉……我遲D先詳細講你知啦。
不過亞女,亞媽真係要好好咁提醒你,做人一定要堂堂正正,要對得住自己,千其唔好諗埋D旁門左道嘅方法……千其唔好好似你舅父咁……唔講嘞!我趕住出去嘞!拜拜~

穎妍(戴帽):(林穎妍)拜拜媽咪。
唔……做人要堂堂正正……要對得住自己……要靠自己嘅實力……千祈唔好諗埋D旁門左道嘅方法……,點解好似講緊我咁嘅?!如果我真係將「短跑公主」包餅換成花生餅,就算贏左,都唔係因為自己嘅實力而贏,贏得一D都唔光采!唔得!由聽日開始,我要加倍練習!我要靠自己嘅實力,堂堂正正,公平公正咁同「短跑公主」一決高下!

旁白(除帽):(林穎妍)比賽响一個月後舉行,究竟結果點呢?

群群(戴帽):(曹女士)真係唔抵嘞,你慢「短跑公主」只係0.5秒咋……你做咩唔換左佢包餅喎

穎妍(戴帽):(林穎妍)(搖頭)雖然我輸左,不過我盡哂力,問心無愧,對得住自己,如果要用唔正當嘅方法先贏到,贏得一D都唔光采嘅,一世都抬唔起頭嘅,我寧願唔贏嘞!

群群(戴帽):(曹女士)(一邊聽耳筒一邊講) 咦……咪住!好嘢!司令台嗰邊宣佈你係冠軍呀!……話因為「短跑公主」食左禁藥……d藥收埋左响包餅度……

穎妍(戴帽):(林穎妍)哦~~~唔怪之得佢次次出賽前都要食餅啦……我今次真係贏得光采嘞!!!YEAH!