iTeen 大本營


小學生德育故事演講比賽親子倡廉組2016-銀獎《班長選舉》

第二十屆荃灣葵涌青衣區小學生德育故事演講比賽-親子倡廉組 銀獎《班長選舉》 荃灣官立小學 劉心怡同學、梁婉容女士

2016年05月18日

第二十屆荃灣葵涌青衣區小學生德育故事演講比賽-親子倡廉組

銀獎《班長選舉》

荃灣官立小學  劉心怡同學、梁婉容女士

 

旁白:今日係班長選舉,有兩位候選人,就係劉心怡同學同埋黃紫泳同學啦。

心怡:我就係天生麗質,聰明伶俐,人見人愛嘅劉心怡啦!

如果大家能投我一票嘅話,我就會俾星夢樂園卡。同埋一陣間嘅小息我就會提供免費零食,所以選我嘅話都會有好多好處架,大家就投我一票啦!

泳泳:大家好呀!我雖然冇遊戲卡同免費小食提供,但係我有一顆熱誠嘅心為大家服務架。

心怡:你隻腳都跛嘅,行路行得慢過人,點做班長呀!

泳泳:我隻腳雖然有毛病呀,但係唔會影響我做班長架,我有一顆熱誠嘅心,為大家服務架。

旁白:平日心怡有媽媽接放學,不過今日媽媽唔得閒,所以心怡要自己一個人放學。

高大的中學生:喂!細路!身上面有無錢呀?D俾我!如果唔係,打你!

心怡:無呀!無呀!我身上無錢嫁! 救命呀! 救命呀! 打劫呀! 打劫呀! (中學生搶走心怡的背囊,走左去。)

泳泳: (手裏拿著心怡的背囊,俾返個背囊心怡,指住個中學生)

心怡,唔使驚呀,起身啦。警察叔叔,係佢搶我同學嘅背囊架!快D拉佢啦!

心怡:泳泳,你好勇敢呀!又幫我報警,你又幫我搶返個背囊!我岩岩真係好驚呀,好彩你出現咋。

泳泳:唔使驚呀!頭先我經過嘅時候,我見到你俾人搶個背囊,我咪靜靜雞哩埋喺棵樹嘅後面,幫你報警囉。你只要無事就得架啦。

心怡:泳泳,你好勇敢呀!又幫我報警,又幫我搶返個背囊!我岩岩真係好驚呀,好彩你出現咋。

泳泳:你真係唔駛客氣架。你只要無事就得架啦。

心怡:泳泳,其實你喺班上係最受歡迎嘅,你成日幫助別人,又對人和藹可親,班長應該係你做架。我唔應該用遊戲卡黎吸引同學而忘記做班長嘅意義架。我會將我嗰票都投埋俾你,我會全力支持你當班長架。

泳泳 (謝票)多謝!多謝大家投我一票令到我做到班長,我好榮幸得到大家嘅支持呀!而我有一個提議,劉心怡同學平日活潑可愛、又熱愛生命,我希望提議佢幫我一齊處理班務嘅事情,好唔好呀劉心怡同學。

心怡: 好!班長選舉嗰時我笑你,你唔單止唔嬲我,而家仲邀請我黎幫手,好對唔住呀。

 

呢個故事教訓我哋同人相處嘅時候要真誠有禮,別人有困難嘅時候要樂於助人,處事要靠實力、公平公正、問心無愧,得來嘅結果先係真正嘅成功。