iTeen 大本營


小學生德育故事演講比賽親子倡廉組2016-銀獎 《廉潔的好農夫》

第二十屆荃灣葵涌青衣區小學生德育故事演講比賽-親子倡廉組 銀獎:廉潔的好農夫 荃灣官立小學 劉心柔同學、梁婉容女士

2016年05月18日

第二十屆荃灣葵涌青衣區小學生德育故事演講比賽-親子倡廉組
銀獎:廉潔的好農夫
荃灣官立小學  劉心柔同學、梁婉容女士

 

旁白:從前有一個農夫,佢喺自己嗰塊田入面發現左一塊好古怪嘅石頭。於是農夫就帶住塊石頭去揾玉匠師傅喇!

 

農夫:玉匠師傅!麻煩你!幫我睇吓依塊石頭呀?

(玉匠仔細觀察後)

 

玉匠師傅:嘩!你依塊石頭,係一塊價值連城嘅寶玉黎架!如果拎去市場度賣一定好值錢嘅。農夫!你今次發達啦!你要好好地照顧佢!保護佢呀!唔好俾人知呀!小心為上呀!

 

農夫:最近有D鬼鬼祟祟嘅人成日喺我屋企附近出現,仲喺我屋企門口裝吓裝吓咁,好似不懷好意呀!

 

村民:喂!農夫!聽講你有塊價值連城嘅寶玉喎,發左達記得關照下我呀!

 

農夫:(嚇了一跳)弊啦!弊啦!我有塊寶玉嘅事,幾乎成條村嘅人都知道左啦,點算好呀!點算好呀!

 

真係好擔心塊寶玉會俾人搶走呀,我要諗下辦法先!好!聽日我就帶埋塊寶玉去京城見子陽大人啦。

 

旁白:於是農夫就帶埋塊寶玉急急忙忙咁去京城啦。

 

子陽:農夫,你今日咁早就黎揾本官,有事相求呀?

 

農夫:小民今日咁早黎揾大人,其實係想將一塊價值連城嘅寶玉送俾大人嘅,望大人多多關照吓小民,俾小民一官半職做吓啫!

 

子陽:唔得!唔得!我向來唔隨便收禮物架。唔得!唔得!

 

農夫:依塊寶玉係我喺我耕田嗰陣時掘出嚟嘅,我係一個文盲,字都唔識多個,攞住塊寶玉都唔知點處理,不如將依塊寶玉送俾大人,換返一官半職,以後唔洗再耕田啦。

 

子陽:農夫!我希望你明白,玉係你嘅寶物,我唔會隨便收取人地嘅禮物架!而我將「廉潔」當成我嘅寶貝,我好珍惜佢架吓!

 

農夫:大人,就當小民尊敬大人而送俾大人啦,小民真係唔知要點樣處理呢舊玉呀!

 

子陽:農夫!咁啦!呢舊玉你交俾我,你就暫住本府,等我幫你諗下辦法吓!

 

農夫,我已經命令玉匠師傅將依舊寶玉雕成工藝品啦,賣左出去啦,仲賺左好多錢,而家,你可以將呢舊錢拎返屋企架啦。好好保管啦!

 

 (動作;可是農夫沒有把錢收下。)

農夫:感謝大人!但係呢幾日我留喺京城期間,鄰近發生地震,好多百姓無家可歸。死傷無數。我覺得生命比金錢重要,不如將呢筆錢捐出去,盡一分力啦!

 

旁白:由於農夫嘅慷慨捐助,老百姓總算渡過難關。佢哋好感謝農夫,仲雕左個石像表揚農夫嘅好心之德。

 

「廉潔」好官嘅忠誠、樂於助人嘅行為,感動左農夫,令農夫明白到生命比金錢重要,將自己嘅財富捐俾有需要嘅人,佢嘅善心贏得世人永遠嘅尊敬。