iTeen 大本營


小學生德育故事演講比賽親子倡廉組2016-金獎《 公平的選舉》

第二十屆荃灣葵涌青衣區小學生德育故事演講比賽-親子倡廉組 金獎:公平的選舉 保良局世德小學 林穎妍同學、林俊榮先生

2016年05月18日

第二十屆荃灣葵涌青衣區小學生德育故事演講比賽-親子倡廉組
金獎:公平的選舉
保良局世德小學  林穎妍同學、林俊榮先生


旁白:(妍)「黑咪蚊」村貪污成風,年年「縣議員」選舉都係曾財爺當選,點解
?! 大家睇下就知啦。

 

曾財爺:()  縣太爺,一年一度嘅「縣議員」選舉又黎嘞……呢度一萬兩黃金 (遞出一舊金)……你識做啦。

縣太爺:(爸)          (接過金…狡猾笑) 曾財爺,今時唔同往日架喇,而家興一人一票選議員架……我都好難做架 (摸住舊金,貪婪咁笑)……而且嗰個日日娥姑娘又話參選,唔好睇佢女兒家,搞埋D咩男女平等……佢都好多人支持架~

 

曾財爺:()  縣太爺,我梗係知啦,嗱~呢度另外一萬兩黃金……如果我今年繼續當選,就一定要趁機搜刮多D民脂民糕,他日我當選,一定唔會忘記縣太爺你嘅。 (奸笑)

 

縣太爺:(爸)          係嘅,係嘅(貪心笑)……咁我應該點樣配合你呀?

曾財爺:()  我一早諗好架嘞,就係咁 (咬耳仔)……

縣太爺:(爸)          哈哈哈!妙計妙計呀……(奸笑)

 

旁白:(妍)  佢地兩個狼狽為奸,都唔知諗到咩奸計!

好快到左參選嘅日子喇……

 

縣太爺:(爸)          有兩位鄉親想參選喎,就係曾財爺同日日娥姑娘。不過,你地要先完成三件事先至可以去參選嫁!

首先,曾財爺你要完成嘅三件事就係:交出一隻識生蛋嘅母雞,剪出一張可以遮住呢張枱嘅布,同埋畫出十粒星星。

 

而日日娥姑娘,你要完成嘅三件事就係:交出一隻識生小牛嘅公牛,剪出一張可以遮住呢個天嘅布,同埋响天上摘十粒星星。

嗱,聽日就要完成架啦。完成唔到就無得去參選架喇(奸笑)

 

旁白:(妍)實在太唔公平嘞!曾財爺要完成嘅事咁簡單,而日日娥姑娘要完成嘅就…….根本就冇可能做到!究竟日日娥姑娘會點解決呢?眨下眼就到左第2日囉喎……不過,日日娥姑娘遲左成個時辰先出現呀!

 

縣太爺:(爸)          日日娥姑娘,曾財爺已經完成哂三件事,仲成功參選添!你遲遲都未出現?! 莫非你完成唔到,唔敢黎?(奸笑)

 

日日娥姑娘:(妍)  回稟大人,小女子嘅亞爹岩岩生BB,我要幫佢接生,所以遲左……

 

縣太爺:(爸)          (截斷) 荒謬!!!世間上邊有男人識生BB架,只有女人先識生BB!!!

 

日日娥姑娘:(妍)  大人英明!你既然知道男人無可能生BB,咁世上又點可能有識生小牛嘅公牛呀?

 

縣太爺:(爸)          A……咁,呢題取消啦…!咁你剪左遮住呢個天嘅布未?

 

日日娥姑娘:(妍)  咁就要麻煩大人先量度出天嘅長同闊啦!一有尺寸,我就可以即刻為大人剪布喇!

 

縣太爺:(爸)          AAA……咁呢題都取消啦…!咁你摘左天上嘅星星未?摘唔到就冇得去參選嫁啦!

 

日日娥姑娘:(妍)  咁都要麻煩大人啦。請提供一把可以爬到上天嘅梯,有呢堂梯我就可以即刻為大人摘星星喇!

 

縣太爺:(爸)          ……(頭痛) 咁呢題都取消啦…!全部都取消……你去參選啦!

 

旁白:(妍)日日娥姑娘憑住佢嘅機智,終於成功參選。結果以大比數勝出今次嘅「縣議員」選舉,仲成為第一位女性「縣議員」添!

 

日日娥議員當選後,唔單止肅清貪污嘅歪風,而且不論男女,人人都得到公平嘅對待!

冇幾耐,「黑咪蚊」村仲改名為「廉潔公平」村