iTeen 大本營

紅頭媽做鐘點工人,為僱主買到超平牛肉?

2015年11月17日

呢一家印尼人,係我媽咪老闆,我媽咪幫佢哋做鐘點工,負責執屋同買餸。
因為宗教關係,佢哋唔食豬,只食牛,所以媽媽會去全街市至平嘅牛肉檔幫佢哋買餸。
肉檔老闆好識做,會開張單貴啲,但收少啲錢、俾少啲肉,幫媽咪「打虎頭」賺多十元八塊。
「打虎頭?行規嚟唧,十個鐘點工,十個『打虎頭』啦!」媽媽咁話。
直至有一日,檔主被揭發用豬肉染色扮牛肉……
印尼老闆好嬲,炒咗媽咪魷魚……
媽咪嘆氣:「唉,平嘢冇好,早知唔貪平、唔打虎頭啦!」真奇怪,乜唔係「行規」咩?「打虎頭」有咩問題呀?

iTeen四人組點評

詩詩:紅頭媽跟肉檔老闆都沒有誠信,最終都要自食惡果。

科科A:用染料將豬肉染色「化妝」成牛肉,那些染料應該對人體有害吧!

大隻獅:印尼人因為信仰而不能吃豬肉,假牛肉令他們破戒,真的很慘。

iSir:就算是一毫子,「貪即是貪」,造假即是造假,所謂「行規」根本是用來掩飾的藉口,上到法庭,法官是不會接納這種辯解的。